మలికిపురం: వైభవంగా అయ్యప్ప స్వామి కలశల పూజ

మలికిపురం మండలం తూర్పుపాలెంలో సప్త నదీ జలాభిషేక సహిత 108 కలశల పూజ బుధవారం రాత్రి వైభవంగా జరిగింది. తలుపులమ్మ అమ్మవారి పీఠం స్వాముల ఆధ్వర్యంలో నిర్వహించిన ఈ పూజా కార్యక్రమానికి భారీ సంఖ్యలో అయ్యప్ప భక్తులు తరలివచ్చారు. ముందుగా కలశలతో భారీ ఊరేగింపు నిర్వహించారు. లక్ష్మీ గణపతి హోమం, గజారోహణం కార్యక్రమాలను వైభవోపేతంగా నిర్వహించారు. గణపతి, సుబ్రహ్మణ్య స్వామి, కనకదుర్గమ్మ వారికి పూజలు చేశారు.