మలికిపురం: కొండముచ్చును బంధించిన అటవీశాఖ అధికారులు

మలికిపురం మండలం కేశనపల్లిలో కొండముచ్చును అటవీ శాఖ అధికారులు బుధవారం చాకచక్యంగా బోనులో బంధించారు. కొండముచ్చు గత కొన్ని రోజులుగా మేకలపై దాడి చేస్తూ స్థానికులను ఆందోళనకు గురిచేస్తుంది. కొండముచ్చు బెడద నుంచి రక్షించాలని స్థానికులు అటవీ శాఖ అధికారులను ఆశ్రయించారు. దాంతో వారు రంగంలోకి దిగి బోను ఏర్పాటు చేశారు. దానిలో చిక్కిన కొండముచ్చును రాజమండ్రి ఫారెస్ట్ లో విడుదల చేస్తామని అధికారులు తెలిపారు.