తాడేపల్లిగూడెం: కోడిపందాలు నిర్వహిస్తున్న ఐదుగురు అరెస్ట్

తాడేపల్లిగూడెం మండలం పెద్ద తాడేపల్లిలో కోడిపందాలు నిర్వహిస్తున్నారని సమాచారం మేరకు రూరల్ ఎస్సై ప్రసాద్ తన సిబ్బందితో కలిసి గురువారం కోడిపందాల స్థావరాలపై దాడులు నిర్వహించారు. ఈ దాడుల్లో కోడిపందాలు నిర్వహిస్తున్న ఐదుగురిని అదుపులోకి తీసుకొని వారి వద్ద నుంచి రూ. 20,540 నగదు, ఐదు కోళ్లు, రెండు కత్తులు స్వాధీనం చేసుకొని వారిపై కేసు నమోదు చేసినట్లు ఎస్సై ప్రసాద్ తెలిపారు.