జంగారెడ్డిగూడెం: రోడ్డు ప్రమాదంలో భవానీ మాలదారుడు మృతి
జంగారెడ్డిగూడెంకి చెందిన పంచాడ హరి ప్రసాద్(24) భవానీ మాలధారణ చేసి ఈ నెల 19న ఇరుముళ్లు కట్టుకుని, దీక్ష విరమణ నిమిత్తం విజయవాడ ఇంద్రకీలాద్రికి కాలినడకన బయలుదేరారు. ఆదివారం తెల్లవారుజామున 5. 30 గంటల సమయంలో వీరవల్లి సమీపంలో గుర్తు తెలియని వాహనం ఢీకొట్టి వెళ్లిపోయింది. ఈ ఘటనలో తీవ్రంగా గాయపడిన హరిప్రసాద్ ను చిన్న అవుటపల్లి పిన్నమనేని సిద్ధార్ధ ఆసుపత్రికి తరలించగా, చికిత్స పొందుతూ ప్రాణాలు కోల్పోయారు.
