రామాలయ రథానికి నిప్పు

అనంతపురం జిల్లా కనేకల్ మండలం హనకనహాల్‌లో మంగళవారం ఉద్రిక్తత చోటు చేసుకుంది. శ్రీరామాలయం రథానికి గుర్తు తెలియని దుండగులు నిన్న అర్ధరాత్రి నిప్పు పెట్టారు. స్థానికులు మంటలు ఆర్పి.. పోలీసులకు సమాచారం ఇచ్చారు. ఈ మేరకు పోలీసులు కేసు నమోదు చేసి దర్యాప్తు చేపట్టారు. విషయం తెలుసుకుని ఘటనా స్థలం వద్ద బీజేపీ, భజరంగ్ దళ్ కార్యకర్తలు ఆందోళన చేస్తున్నారు. ఈ ఘటనపై సీఎం చంద్రబాబు ఆరా తీశారు. అధికారులతో మాట్లాడి వివరాలు తెలుసుకున్నారు.