కోడుమూరు: ఆయుధాలపై విద్యార్థులకు అవగాహన

పోలీసు అమర వీరుల వారోత్సవాల్లో భాగంగా శనివారం సి. బెళగల్ పోలీసులు విద్యార్థులకు ఆయుధాలపై అవగాహన కార్యక్రమం నిర్వహించారు. స్టేషన్ లో జెడ్పీ ఉన్నత పాఠశాల విద్యార్థులకు ఆయుధాలు ఉపయోగం, కేసుల నమోదు తీరును ఎస్సై తిమ్మారెడ్డి వివరించారు. కమ్యూనికేషన్ సెట్లో విద్యార్థులతో ఎస్సై మాట్లాడించారు. అదేవిధంగా ఫిర్యాదులు, రశీదుల జారీ విధానంపై అవగాహన కల్పించారు. ఎంఎం పిస్టల్ వినియోగం, పనితీరును ఎస్సై వివరించారు.