పోలీస్ కస్టడీకి నందిగం సురేష్

వైసీపీ మాజీ ఎంపీ నందిగం సురేష్‌ను రెండు రోజుల పోలీస్ కస్టడీకి అనుమతిస్తూ మంగళగిరి అడిషనల్ జూనియర్ సివిల్ కోర్టు శుక్రవారం తీర్పునిచ్చింది. టీడీపీ కేంద్ర కార్యాలయంలో దాడి కేసులో ఆయనను ఈ నెల 5న హైదరాబాద్‌లో మంగళగిరి పోలీసులు అరెస్ట్ చేశారు. విచారణకు సహకరించడం లేదని, 8 రోజుల కస్టడీకి ఇవ్వాలని కోర్టులో పిటిషన్ వేశారు. దీనిపై విచారణ జరిపిన కోర్టు 2 రోజుల కస్టడీ ఇచ్చింది. ప్రస్తుతం నందిగం సురేష్ గుంటూరు జైలులో ఉన్నారు.