చౌడేశ్వరిదేవి ఆలయంలో సామూహిక వరలక్ష్మీ వ్రతాలు

బనగానపల్లె మండలంలోని శ్రీచౌడేశ్వరిదేవి అమ్మవారి దేవస్థానం ఆలయ ప్రాంగణంలో శ్రావణమాసం రెండవ శుక్రవారం సందర్భంగా సామూహిక వరలక్ష్మి వ్రతాలు నిర్వహించారు. ఈవో కామేశ్వరమ్మ ఆధ్వర్యంలో నిర్వహించిన వరలక్ష్మీ వ్రతాల కార్యక్రమానికి అధిక సంఖ్యలో మహిళలు పాల్గొన్నారు. వేద పండితులు మహిళలచే వరలక్ష్మీ వ్రతం చేయించారు. వరలక్ష్మీ వ్రతానికి వచ్చిన భక్తులకు దేవస్థానం ఆధ్వర్యంలో అన్నప్రసాద వితరణ చేపట్టారు.