కావలి: నడిచి వెళుతున్న వ్యక్తిని ఢీ కొట్టిన ఆర్టీసీ బస్సు

కావలి పట్టణంలో మండల పరిషత్ కార్యాలయం వద్ద ట్రంక్ రోడ్డులో నడిచి వెళుతున్న వ్యక్తిని కావలి- రామాయపట్నం ఆర్టీసీ బస్సు సోమవారం రాత్రి ఢీకొట్టింది. బస్సు మధ్య భాగం తగలడంతో వ్యక్తి కింద పడ్డాడు. బస్సు వెనుక చక్రాలు తగలడంతో తల, కాల్లకు స్వల్ప గాయాలయ్యాయి. స్థానికులు అతనిని ఆస్పత్రికి తరలించారు. బాధితుడు కావలి పట్టణం లోని రామ్మూర్తి పేటకు చెందిన మాధవరావుగా గుర్తించారు. డ్రైవర్ బస్సు ఆపకుండా వెళ్లిపోయాడు.