ఆహ్లాదకరమైన వాతావరణంలో ప్రీ స్కూల్స్

ఆహ్లాదకరమైన వాతావరణంలో చిన్నారులకు ప్రీ స్కూల్స్ విద్యను అందజేసేందుకు చర్యలు తీసుకున్నట్లు నాయుడుపేట ఐ.సీ.డీ.ఎస్ సీడీపీఓ హేనా సూజన్ తెలియజేశారు. నాయుడుపేట పట్టణంలోని ఐ.సీ.డీ.ఎస్ కార్యాలయం నందు ప్రీస్కూల్ నిర్వహణపై అవగాహన సదస్సు నిర్వహించారు. ఈ సందర్భంగా ఐ.సీ.డీ.ఎస్ సీడీపీఓ హేనా సూజన్ మాట్లాడుతూ అంగన్వాడీ కేంద్రాలను ప్రభుత్వం ప్రీ ప్రైమరీ స్కూల్ గా మార్చినట్లు తెలియజేశారు. అందుకు అనుగుణంగానే పాఠశాలల రూపురేఖలు మారుతున్నట్లు పేర్కొన్నారు.

అంగన్వాడీ కేంద్రాలకు వచ్చే చిన్నారులకు అంగన్వాడీ టీచర్లు వారికి అర్థమయ్యే రీతిలో ఆటపాటలతో కూడిన విద్యను అందించాలని సూచించారు. ఈనెల 22వ తారీకు వరకు మహిళాభివృద్ధి శిశు సంక్షేమ శాఖ ఆధ్వర్యంలో నూతనంగా రూపొందించిన పాఠ్యాంశాలపై అంగన్వాడీ కార్యకర్తలకు ప్రత్యేక శిక్షణ ఇచ్చినట్లు ఆమె ఈ సందర్భంగా తెలియజేశారు. ఈ కార్యక్రమంలో ఐ.సీ.డీ.ఎస్ సూపర్ వైజర్ లు, తదితరులు పాల్గొన్నారు.