గిద్దలూరు: విద్యుత్ స్తంభాన్ని ఢీ కొట్టి వ్యక్తి మృతి

గిద్దలూరు మండలం కొండపేటలో ద్విచక్ర వాహనదారుడు విద్యుత్ స్తంభాన్ని ఢీకొట్టి మృతి చెందిన సంఘటన జరిగింది. మృతుడు గిద్దలూరు మండలం ఓబులాపురం కు చెందిన రామాంజనేయులు (25)గా పోలీసులు గుర్తించారు. అయితే ఈ సంఘటన రాత్రి జరిగి ఉండవచ్చని పోలీసులు అంచనావేస్తున్నారు. సోమవారం ఉదయాన్నే పొలానికి వెళ్తున్న రైతులు ఈ విషయాన్ని గుర్తించి పోలీసులకు సమాచారం అందించారు. జరిగిన సంఘటనపై పోలీసులు దర్యాప్తు చేస్తున్నారు.