అనంతపురంలో డ్రోన్ల ద్వారా పోలీసుల పహారా

అనంతపురం నగరంలోని వన్ టౌన్, ఫోర్త్ టౌన్, రూరల్ పోలీసు స్టేషన్ల పరిధిలోని శివారు ప్రాంతాల్లో ఆయా పోలీసులు సోమవారం డ్రోన్ల ద్వారా నిఘా పెట్టి దాడులు చేశారు. బహిరంగ ప్రదేశాల్లో మద్యం తాగుతున్న పలువురిని అరెస్ట్ చేసి, వారిపై కేసులు నమోదు చేశారు. జిల్లాలో నేరాలను నియంత్రించేందుకు సాంకేతిక పరిజ్ఞానం ఉపయోగించి, నేరాలు జరగకుండా డ్రోన్ల ద్వారా ప్రత్యేక నిఘా ఏర్పాటు చేస్తున్నామని ఎస్పీ జగదీశ్ తెలిపారు.