పారిశుద్ధ్య పనులను పరిశీలించిన జనసేన మండల అధ్యక్షుడు

శ్రీకాకుళం రూరల్ మండలం పొన్నం పంచాయతీ పరిధి బమ్మిడివానిపేట గ్రామంలో జరుగుతున్న పారిశుధ్య పనులను జనసేన మండల అధ్యక్షుడు టి. కూర్మారావు శుక్రవారం పరిశీలించారు. ఈ సందర్భంగా ఆయన మాట్లాడుతూ ప్రజలు తమ చుట్టూ ఉన్న పరిసరాలను పరిశుభ్రంగా ఉంచుకుంటేనే సంపూర్ణ ఆరోగ్యం కలుగుతుందని చెప్పారు. ప్రజలకు సీజనల్ వ్యాధులు ప్రబలకుండా ఉండేందుకు అధికారులు, కూటమి నాయకులు చేపడుతున్న శానిటైజేషన్ పనులను అభినందించారు.