ఆమదాలవలస: ఆకట్టుకున్న శివుని సైకత శిల్పం

ఆమదాలవలస లోని గాజులు కొల్లివలసలో గల శ్రీ సంగమేశ్వర స్వామి దేవాలయ సమీపంలో శివుని రూపానికి సంబంధించిన సైకత శిల్పం పలువురిని ఆకట్టుకుంది. కార్తీక మాసం రెండవ సోమవారం సందర్భంగా శిల్పి గేదెల హరికృష్ణ ఇసుకతో ఈ సైకత శిల్పాన్ని ఆదివారం సాయంత్రం రూపొందించారు. సోమవారం ఉదయం సంగమేశ్వర స్వామి దర్శనానికి వచ్చిన భక్తుల సందర్శనార్థం సైకత శిల్పాన్ని ఉంచారు. పలువురు భక్తులు శిల్పి కళా రూపాన్ని అభినందించారు.