ఘోర రోడ్డు ప్రమాదంలో ఇద్దరు యువకులు మృతి

ఘోర రోడ్డు ప్రమాదంలో ఇద్దరు యువకులు మృతి చెందారు. ఈ ఘటన ఏపీలోని పల్నాడు జిల్లా సత్తెనపల్లి మండలం వెన్నాదేవి వద్ద జరిగింది.
బైకుపై వస్తున్న యువకులను గుర్తు తెలియని వాహనం ఢీకొనడంతో వారు మరణించారు. విషయం తెలుసుకున్న పోలీసులు సంఘటనా స్థలాన్ని పరిశీలించారు. యువకుల మృతదేహాలను పోస్టుమార్టంకు తరలించారు. అతివేగమే ప్రమాదానికి కారణమని తెలిపారు. మృతుల వివరాలు తెలియాల్సి ఉంది. పోలీసులు కేసు దర్యాప్తు చేస్తున్నారు.