పాటురు శ్రీ జనార్ధన స్వామి వారి దేవాలయంలో కూడారై ఉత్సవం

వేపాడ మండలం పాటురు లో వేంచేసియున్న శ్రీదేవి భూదేవి సమేత శ్రీ జనార్ధన స్వామివారి దేవాలయంలో ధనుర్మాసం ఉత్సవాల్లో భాగంగా శుక్రవారం కూడారై ఉత్సవం నిర్వహించారు. శ్రీ జనార్ధన స్వామివారికి 108 పాత్రలతో పరమాన్నం నివేదించి భక్తులకు ప్రసాదంగా ఇవ్వడం జరిగింది. తెల్లవారుజామున శ్రీ స్వామివారికి పంచామృతాభిషేకం నిర్వహించి భక్తులు సమర్పించిన వెండి కిరీటాలు, అభయ హస్తాలు, శంకు చక్రాలు అలoకరించి భక్తులకు పూజలు నిర్వహించారు.