చీపురుపల్లి: ఉన్న ఊరు కోసం సొంత స్థలం వితరణ

ఉన్న ఊరు, కన్నతల్లి ఒకటేనని వారికి ఎంత చేసినా రుణం తీర్చుకోలేమనే పెద్దల మాటను తూచా తప్పకుండా జిల్లా టిడిపి బీసీ సెల్ కార్యదర్శి టి శ్రీనివాసరావ పాటించి చూపించారు. చీపురుపల్లి మండలం పాలవలసలో సీసీ రోడ్డు నిర్మాణం జరుగుతోంది. ఈ క్రమంలో శ్రీనివాసరావు ఇంటి జాగవా మీదుగా రోడ్డు వేయాల్సి వచ్చింది. ఈ నేపథ్యంలో ఆయన తన ఇంటి స్థలాన్ని పంచాయతీ అభివృద్ధికి వితరణ చేశారు. దీంతో గ్రామస్తులు తమ హర్షం వ్యక్తం చేశారు.