వాటర్‌ ట్యాంకులో పడి 30 వానరాలు మృతి

మంచినీటి ట్యాంకులో పడి దాదాపు 30 కోతులు మృతి చెందిన సంఘటన నల్గొండ జిల్లా నాగార్జునసాగర్‌లోని హిల్‌ కాలనీలో వెలుగు చూసింది. విజయవిహార్ సమీపంలోని 200 గృహాలకు తాగునీరు సరఫరా చేసేందుకు నీటిసరఫరా విభాగం ఓ ట్యాంకు నిర్మించి పైన రేకులు వేశారు. ఎండ తీవ్రత ఎక్కువగా ఉండటంతో ట్యాంకులోని నీళ్లు తాగేందుకు కోతులు ప్రయత్నించాయి. బయటకు వచ్చే దారి దొరక్క అందులోనే మృత్యువాత పడ్డాయి. అధికారులు బుధవారం గుర్తించి వానర కళేబరాలను వెలికితీశారు.