తోటి ప్రయాణికులను కొట్టి, ఆపై CISF కానిస్టేబుల్ చేయి కొరికిన 44 ఏళ్ల మహిళ: పూణే విమానాశ్రయంలో ఘటన

పూణే అంతర్జాతీయ విమానాశ్రయంలో తాజాగా షాకింగ్ ఘటన జరిగింది. ఢిల్లీకి వెళ్లే విమానంలో ఓ మహిళ ఇద్దరు ప్రయాణీకులతో చిన్న సమస్యపై గొడవపడి వారిని కొట్టింది. వాగ్వాదం గురించి సమాచారం అందుకున్న ఇద్దరు సీఐఎస్ఎఫ్ కానిస్టేబుళ్లు విమానంలోకి వెళ్లారు. అనంతరం గొడవను ఆపడానికి వచ్చిన CISF కానిస్టేబుల్ చేతిని కూడా కొరికింది. దీంతో గృహిణి అయిన 44 ఏళ్ల మహిళపై పోలీసులు కేసు నమోదు చేశారు.