తిరుమలలో శ్రీవారి దర్శనానికి 8 గంటల సమయం

తిరుమల శ్రీవారి ఆలయంలో భక్తుల రద్దీ కొనసాగుతోంది. టోకెన్ లేని భక్తులు శ్రీవారి సర్వదర్శనం కోసం 25 కంపార్టుమెంట్లలో వేచి ఉన్నారు. శ్రీవారి సర్వదర్శనానికి 8 గంటల సమయం పడుతోంది. నిన్న స్వామి వారిని 73,558 మంది భక్తులు దర్శించుకోగా.. 32,675 మంది తలనీలాలు సమర్పించి మొక్కులు చెల్లించుకున్నారు. శ్రీవారి హుండీకి రూ.3.79 కోట్ల ఆదాయం వచ్చినట్టు టీటీడీ అధికారులు వెల్లడించారు.