మద్యం మత్తులో సహోద్యోగులు ఈతకొలనులోకి నెట్టడంతో హైదరాబాద్ లో 24 ఏళ్ల సాఫ్ట్‌వేర్ ఉద్యోగి మృతి

మద్యం మత్తులో తోటి సహోద్యోగిని ఈతకొలనులో నెట్టేయడంతో మృతి చెందిన ఘటన హైదరాబాద్ లో జరిగింది. పోలీసుల వివరాల ప్రకారం..తేజ( 24) అనే ఐటీ ఉద్యోగి ఆదివారం ఘట్కేసర్ లోని ఓ గెస్ట్ హౌస్ లో నిర్వహించిన సహోద్యోగి బర్త్ డే పార్టీకి హాజరయ్యాడు. ఈ క్రమంలో ఈత రాదని చెబుతున్నా మద్యం మత్తులోని సహోద్యోగులు ఈతకొలనులో నెట్టేయడంతో తేజ నీట మునిగి చనిపోయాడు. రంజిత్ రెడ్డి, సాయికుమార్, శ్రీకాంత్ తో పాటు గెస్ట్ హౌస్ నిర్వాహకుడిపైనా పోలీసులు కేసు నమోదు చేశారు.