భార్య ప్రైవేట్ ఫోటోలు లీక్ చేస్తానని బెదిరిస్తున్న భర్తపై కేసు నమోదు

వ్యక్తిగత ఫోటోలు బయటపెడతానని భార్యను బెదిరిస్తున్న భర్తపై పోలీసులు కేసు నమోదు చేశారు. హైదారాబాద్ ఫిల్మ్ నగర్‌కు చెందిన ఓ మహిళ ఈ మేరకు పోలీసులకు ఫిర్యాదు చేసింది. డబ్బు కోసం ప్రేమ పేరుతో తనకు దగ్గరై.. బలవంతంగా పెళ్లి చేసుకున్నాడని ఆమె ఫిర్యాదులో పేర్కొంది. డబ్బు ఇవ్వకపోతే తన వద్ద ఉన్న ప్రైవేట్ ఫోటోలు ఆన్‌లైన్‌లో పోస్ట్ చేస్తానని బెదిరించేవాడని తెలిపింది. ఆ భయంతో దాదాపు రూ.10 లక్షల విలువైన ఆభరణాలు ఇచ్చినట్లు పేర్కొంది.