ఆహారంలో విషం కలిపి భర్తను చంపిన భార్య

ఉత్తరప్రదేశ్‌లోని కౌశాంబి జిల్లాలో దారుణ ఘటన జరిగింది. భర్త క్షేమం, దీర్ఘాయుష్షు కోసం చేసే కర్వా చౌత్ సందర్భంగా ఒక మహిళ రోజంతా ఉపవాసం ఉండి పూజలు చేసి ఆ తర్వాత భర్తకు విషమిచ్చి చంపింది. ఈ విషయం తెలుసుకున్న పోలీసులు షాక్‌ అయ్యారు. ఆ మహిళను అరెస్ట్‌ చేశారు. కడ ధామ్ పోలీస్ స్టేషన్‌ పరిధికి చెందిన 32 ఏళ్ల శైలేష్ కుమార్‌ భార్య సవిత ఈ దారుణానికి ఒడిగట్టింది. తన భర్తకు మరో మహిళతో వివాహేతర సంబంధం ఉందన్న అనుమానంతో ఈ పని చేసింది.