ఇంటింటికి పైపులైన్ ద్వారా గ్యాస్.. ప్రారంభించిన చంద్రబాబు

తిరుపతి జిల్లా తిరుచానూరులో ఇంటింటికీ పైప్‌లైన్‌ ద్వారా గ్యాస్‌ పంపిణీ పథకాన్ని మఖ్యమంత్రి చంద్రబాబు ప్రారంభించారు. ఆదివారం తిరుపతి జిల్లాలో పర్యటించిన చంద్రబాబు ఈ పథకాన్ని ప్రారంభించారు. తిరుపతి పర్యటన తర్వాత తన స్వగ్రామమైన నారావారిపల్లెకు వెళ్లనున్నారు. మూడు రోజుల పాటు కుటుంబ సభ్యులతో కలిసి అక్కడే సంక్రాంతి వేడుకల్లో పాల్గొంటారు. ఈ సందర్భంగా నారావారిపల్లెలో పలు అభివృద్ధి పనులకు శంకుస్థాపన చేయనున్నారు.