ఔషధాలకు లొంగని మొండి బ్యాక్టీరియాను వేగంగా గుర్తించే దిశగా బ్రిటన్లోని కేంబ్రిడ్జి విశ్వవిద్యాలయ పరిశోధకులు కీలక ముందడుగు వేశారు. కేవలం సూక్ష్మదర్శిని సాయంతో అందించిన చిత్రాలను నిశితంగా పరిశీలించడం ద్వారా టైఫాయిడ్లాంటి ఓ మొండి ఇన్ఫెక్షన్ను కనిపెట్టే ఏఐను అభివృద్ధి చేశారు. బ్యాక్టీరియాను గుర్తించేలా ఏఐకు శిక్షణ ఇచ్చి.. కొత్త నమూనాలను పరిశీలించగా త్వరగా 100% కచ్చితమైన ఫలితాలు వెలువడ్డాయి.