చేపలు తినడం వల్ల కంటి, గుండె ఆరోగ్యానికి మేలు

చేపలు తినడం వల్ల ఆరోగ్యానికి చాలా ప్రయోజనాలు ఉన్నాయని నిపుణులు చెబుతున్నారు. చేపలల్లో నాణ్యమైన ప్రొటీన్‌తో పాటు ఒమేగా-3 ఫ్యాటీ యాసిడ్స్, విటమిన్-డి, విటమిన్-బి2, ఐరన్, జింక్, అయోడిన్, మెగ్నీషియం, పొటాషియం వంటి ఆరోగ్యకరమైన కొవ్వులు ఉంటాయి. చేపలు తినడం వల్ల మెదడు పనితీరు మెరుగుపడుతుంది. ఇంకా ఒత్తిడి, ఆందోళన తగ్గుతుంది. కంటి చూపుకు మేలు కలుగుతుంది. ఆస్తమా ప్రమాదాన్ని కూడా తగ్గిస్తుంది. ముఖ్యంగా గుండె సంబంధిత వ్యాధులను తగ్గించేందుకు దోహదపడుతుంది.