ఘోర ప్రమాదం.. బస్సు లోయలో పడి నలుగురు దుర్మరణం

కేరళలోని ఇడుక్కిలో ఘోర ప్రమాదం జరిగింది. విహారయాత్రకు వెళ్లి తిరిగివస్తుండగా సోమవారం ఉదయం ఓ ఆర్​టీసీ బస్సు లోయలో పడింది. ఈ ప్రమాదంలో ఇద్దరు మహిళలు సహా నలుగురు మృతి చెందారు. 23 మంది క్షతగాత్రులు ఆస్పత్రిలో చికిత్స పొందుతున్నారు. కొంతమంది ప్రయాణికులు సురక్షితంగా బయటపడ్డారు. ప్రమాద సమయంలో బస్సులో 34 మంది ప్రయాణికులు ఉన్నట్లు సమాచారం. మృతులను అరుణ్​ హరి, రమా మోహన్, బిందు నారాయణన్, సంగీత్‌గా గుర్తించారు.