దేశంలో HMPV వైరస్ కలకలం.. 7కు పెరిగిన కేసులు

భారత్‌లో HMPV వైరస్ కేసుల సంఖ్య ఏడుకి చేరింది. వీటిలో గుజరాత్​లో 1, కర్ణాటక, నాగ్​పుర్​, తమిళనాడుల్లో రెండేసి హెచ్​ఎంపీవీ కేసులు రికార్డ్ అయ్యాయి. పైగా ఈ వైరస్​ బారిన పడిన వారందరూ నెలల బిడ్డలే కావడం గమనార్హం. అయితే దీనిపై ప్రజలు ఆందోళన చెందాల్సిన అవసరం లేదని, ఇది పాత వైరస్​ మాత్రమేనని కేంద్ర ప్రభుత్వం చెబుతోంది. బెంగళూరులో మూడు నెలల చిన్నారి కోలుకుని డిశ్చార్జి కాగా, మరో చిన్నారి కోలుకుంటున్నట్లు ఆసుపత్రి వర్గాలు తెలిపాయి.