పింక్‌ పవర్‌ రన్‌.. ఉత్సాహంగా పాల్గొన్న ఐటీ ఉద్యోగులు

హైదరాబాద్‌ గచ్చిబౌలి స్టేడియంలో పింక్‌ పవర్‌ రన్‌ ప్రారంభమైంది. 3కే, 5కే, 10కే పరుగును మంత్రి దామోదర రాజనర్సింహ జెండా ఊపి ప్రారంభించారు. ఈ కార్యక్రమంలో పెద్దఎత్తున ఐటీ, ఇతర ప్రైవేటు ఉద్యోగులు పాల్గొన్నారు. రొమ్ము క్యాన్సర్‌పై అవగాహన కల్పించడంలో భాగంగా ఈ పింక్‌ పవర్‌ రన్‌ నిర్వహించారు. గిన్నిస్‌ బుక్‌ ఆఫ్‌ వరల్డ్‌లో స్థానం సంపాదించేందుకు సుధారెడ్డి ఫౌండేషన్‌ ఆధ్వర్యంలో ఈ కార్యక్రమాన్ని ఏర్పాటు చేశారు.