ముదిగొండ: ప్రతీ విద్యార్థి ఉన్నత స్థాయికి ఎదగాలి
ఇంటర్ విద్యార్థులు వార్షిక పరీక్షలకు సిద్ధమవుతూనే ఇంజనీరింగ్, మెడికల్ ప్రవేశ పరీక్షలపై కూడా దృష్టి సారించాలని జిల్లా ఇంటర్మీడియట్ విద్యాధికారి రవిబాబు సూచించారు. ముదిగొండ ప్రభుత్వ జూనియర్ కళాశాలను శనివారం సందర్శించిన ఆయన హాజరుశాతాన్ని పరిశీలించాక విద్యార్థులతో మాట్లాడారు. సైన్స్ విద్యార్థులు ఎప్ సెట్, నీట్ లో ర్యాంకులు సాధించేలా ఇప్పటి నుంచే సాధన మొదలు పెట్టాలని తెలిపారు.
