ఇరువర్గాలపై సత్తుపల్లి పోలీస్ స్టేషనులో కేసు నమోదు

పరస్పరం ఫిర్యాదులపై ఇరువర్గాలపై కేసులు నమోదు చేసినట్లు సత్తుపల్లి పట్డణ సిఐ టి. కిరణ్ ఆదివారం రాత్రి తెలిపారు. దేశిరెడ్డి వెంకటేశ్వరరెడ్డి, దేశిరెడ్డి మధుశేఖరరెడ్డిలు భూ వివాదం నేపథ్యంలో తన ఇంటి సీసీ కెమెరాలు ధ్వంసం చేశారని పట్టణానికి చెందిన దేశిరెడ్డి శిరీష ఫిర్యాదు చేశారు. అలాగే శిరీష, గొర్ల సత్యనారాయణరెడ్డిలు తమ భూమిలోకి రాకుండా అడ్డుకుంటున్నారని కేసు నమోదు చేసినట్లు సీఐ కిరణ్ తెలిపారు.