పర్యాటక క్షేత్రాల సందర్శనతో సరికొత్త అనుభూతి

విద్యార్థులు, యువత పర్యాటక కేంద్రాలను సందర్శించాలని కలెక్టర్ జితేశ్ వి. పాటిల్ అన్నారు. ప్రపంచ పర్యాటక దినోత్సవం సందర్భంగా జిల్లా క్రీడా సంఘాలు, జాతీయ సేవా పథకం ఆధ్వర్యంలో విద్యార్థులు, జిల్లా యువజనోత్సవాల విజేతలతో చంద్రుగొండ మండలం బెండాలపాడు, కనిగిరి గుట్టల విహారయాత్ర శుక్రవారం చేపట్టారు. 100మందితో బయల్దేరిన విహారయాత్ర బస్సులను కలెక్టరేట్ వద్ద కలెక్టర్ జెండా ఊపి ప్రారంభించారు.