ఇద్దరు కుమార్తెలకు నిప్పంటించి.. తల్లి ఆత్మహత్యాయత్నం

గుజరాత్‌లోని భావ్‌నగర్ జిల్లాలో దారుణం జరిగింది. హతాబ్ గ్రామంలో నయనబెన్ గోహిల్ అనే మహిళ బుధవారం తన ఇద్దరు మైనర్ కుమార్తెలకు నిప్పంటించి, తాను కూడా తగలబెట్టుకుంది. ఈ ఘటనలో ముగ్గురూ తీవ్రంగా గాయపడి.. ఆస్పత్రిలో చికిత్స పొందుతున్నారు. మహిళను సర్జికల్ ఇంటెన్సివ్ కేర్ యూనిట్ లో చేర్చగా, ఇద్దరు బాలికలు ట్రామా సెంటర్‌లోని అత్యవసర వార్డులో ఉన్నారని పోలీసులు తెలిపారు.