బంపర్ ఆఫర్ అందుకున్న మృణాల్

‘సీతారామం’, ‘హాయ్‌ నాన్న’ విజయాలతో జోరు చూపించింది మృణాల్‌ ఠాకూర్‌. ఇటీవల నటించిన ‘ఫ్యామిలీ స్టార్‌’ ఆశించిన ఫలితాన్ని అందించలేదు. అయితే ప్రస్తుతం ఆమె హిందీలో సంజయ్‌ లీలా భన్సాలీ నిర్మాణంలో ఓ చిత్రం చేయనున్నట్లు సమాచారం. రవి ఉద్యావర్‌ దీనికి దర్శకత్వం వహించనున్నట్లు తెలిసింది. సిద్ధాంత్‌ చతుర్వేది హీరోగా కనిపించనున్నారు. ఈ సినిమా చిత్రీకరణ జూన్‌ నుంచి ప్రారంభించనున్నట్లు సమాచారం.