డాక్టర్ మోదాల మల్లేష్ కు యంగ్ సైంటిస్ట్ అవార్డు

నల్లగొండ జిల్లా నకిరేకల్ మండలం పాలెం గ్రామానికి చెందిన ప్రముఖ విద్యావేత్త డాక్టర్ మోదాల మల్లేష్ కు వీడీగుడ్ ప్రొఫెషనల్ అసోసియేషన్ వారు ఇంటర్నేషనల్ ఎమినెంట్ అవార్డ్స్ ఆన్ ఇంజనీరింగ్, సైన్స్ అండ్ మెడిసిన్ 2022 గాను యంగ్ సైంటిస్ట్ అవార్డును ప్రకటించారు. ఈయన గత సంవత్సరం జంతుశాస్త్రం విభాగంలో Ph. D పూర్తిచేశారు. ఈయన పత్తి పంటల్లో కాలానుగుణంగా కనిపించే కీటకాల వైవిధ్యం పై పరిశోధన చేశారు. ఈయన యొక్క పరిశోధన పత్తి రైతులకు, పెస్టిసైడ్ కంపెనీలకు ఎంతగానో ఉపయోగపడనుంది. ఈయన పలు పరిశోధన వ్యాసాలు ప్రముఖ జాతీయ, అంతర్జాతీయ జర్నల్స్ లో ప్రచురించబడ్డాయి.