ముంబై లో కుప్పకూలిన ఫుట్ ఓవర్ బ్రిడ్జి

ముంబై ఛత్రపతి శివాజీ మహారాజ్ టెర్మినస్ (సీఎస్ఎంటీ) సమీపంలో పాదచారుల వంతెన ఒక్కసారిగా కుప్పకూలింది.
సీఎస్ఎంటీ ప్లాట్‌ఫాం 1కు దారితీసే వంతెన గురువారం రాత్రి కుప్పకూలడంతో ప్రయాణికులు భయభ్రాంతులకు గురై పరుగులు తీశారు. ఈ ఘటనలో ఇప్పటి వరకు నలుగురు మృతి చెందగా, 36 మంది గాయపడ్డారు. క్షతగాత్రులను హుటాహుటిన సమీపంలోని ఆసుపత్రులకు తరలించారు. శిథిలాల కింద మరికొందరు చిక్కుకుని ఉంటారని భావిస్తున్నారు. ఈ ఘటనతో ఒక్కసారిగా ట్రాఫిక్ స్తంభించింది. సహాయక కార్యక్రమాలు కొనసాగుతున్నాయి.