ఎన్నాళ్ళీ నిరీక్షణ..!

నిజామాబాద్ జిల్లా బోధన్ మండలం సాలురా ప్రాథమిక ఆరోగ్య కేంద్రంలో నిర్మిస్తున్న అదనపు గది నిర్మాణ పనులు ఎక్కడ వేసిన గొంగళి అక్కడే అన్నచందంగా మారాయి. ఆసుపత్రిలో నిరీక్షణ గది కోసం రూ. 5 లక్షలు మంజూరు అవగా రెండేళ్ల క్రితం పనులు ప్రారంభించిన ఇంత వరకు పూర్తికాలేదు. పిహెచ్ సి కి వచ్చే రోగులు, గర్భిణీలు ఇబ్బంది పడుతున్నారు. ఇప్పటికైనా ఉన్నత అధికారులు దృష్టి సారించి పనులు తొందరగా పూర్తయ్యేలా చర్యలు తీసుకోవాలని ప్రజలు కోరుతున్నారు.