కమలా హారిస్ తో మళ్లీ డిబేట్ లో పాల్గొనే ప్రసక్తే లేదు: డొనాల్డ్ ట్రంప్

డెమొక్రాటిక్‌ అధ్యక్ష అభ్యర్థి కమలాహారిస్‌తో మళ్లీ డిబేట్‌లో పాల్గొనే ప్రసక్తే లేదని అమెరికా అధ్యక్ష ఎన్నికల రిపబ్లికన్‌ అభ్యర్థి డొనాల్డ్‌ ట్రంప్‌ చెప్పారు. ఓడిపోయిన వాళ్లే మళ్లీ డిబేట్‌ అవసరమని అడుగుతారని ఆయన వ్యాఖ్యానించారు. అయితే హారిస్‌తో జరిగిన డిబేట్‌లో తనదే పైచేయి అని సర్వేలు చెబుతున్నాయని అన్నారు. "గత నాలుగేళ్ల కాలంలో తాను ఏం చేసి ఉండాల్సిందనే దానిపై కమలా దృష్టి పెట్టాలి” అని ట్రంప్ వ్యాఖ్యానించారు.