సహ ఉద్యోగులను సన్మానించిన కళాకారులు

సింగరేణి సంస్థలో సేవలందించి ఈనెల 31న పదవీ విరమణ చెందుతున్న ఉద్యోగులను, తోటి ఉద్యోగులు, సింగరేణి కళాకారులు, ఘనంగా సన్మానించి వారి సేవలను కొనియాడారు. సింగరేణి సంస్థ రామగుండం డివిజన్ -2 పరిధిలోని, ఓపెన్ కాస్ట్ 3లో విధులు నిర్వహించి, సోమవారం పదవీ విరమణ చెందుతున్న ఈ పి ఆపరేటర్ బొంతల రామ్చందర్ జనరల్ మద్దూరు నూకల మొండయ్యలను శనివారం రోజున కృషిభవన్ లో నిర్వహించిన కార్యక్రమంలో శాలువాతో ఘనంగా సన్మానించి జ్ఞాపికలను అందజేశారు. అనంతరం వారు సంస్థకు చేసిన సేవలను కొనియాడారు. ఈ కార్యక్రమంలో ఉద్యోగులు కళాకారులు ఎజ్జ రాజయ్య, కనకంరమణయ్య, హమీద్, కాశిపాకరాజమౌళి, రాజారాం, ఎస్ వెంకటేష్ స్వామి, కాసర్ల పోచమల్లు, కమ్మగిరి రాజయ్య, సోగాల వెంకటి, వేముల లక్ష్మణ్, శ్రీనివాస రెడ్డి లతో పాటు ఉద్యోగులు పాల్గొన్నారు.