విషం తాగి సూసైడ్ చేసుకోవాలనుకున్న 28 ఏళ్ల వ్యక్తిని గంటలోనే కాపాడిన పోలీసులు

బావమరిదికి ఫోన్ చేసి చనిపోతున్నానని చెప్పి విషం తాగిన వ్యక్తిని హైదరాబాద్ పోలీసులు గంట వ్యవధిలోనే గుర్తించి ప్రాణాలు కాపాడారు. ఓ ప్రైవేటు సంస్థలో పనిచేసే జగద్గిరిగుట్టకు చెందిన బాబీ (28) ఉద్యోగానికి వెళ్తున్నానని ఇంట్లో నుంచి వెళ్లాడు. ఆ తర్వాత లాడ్జిలోకి వెళ్లి దోమల మందు తాగాడు. కుటుంబ సభ్యులు ఫిర్యాదు చేయగా, పోలీసులు ఫోన్ సిగ్నల్ ఆధారంగా గంటలోనే ఆచూకీ గుర్తించి ఆస్పత్రికి తరలించారు.