భారత్‌లో పర్యటించనున్న పుతిన్‌

రష్యా అధ్యక్షుడు వ్లాదిమిర్‌ పుతిన్‌ త్వరలో భారత్‌లో పర్యటించనున్నారు. ఈ విషయాన్ని క్రెమ్లిన్‌ ప్రెస్‌ సెక్రటరీ దిమిత్రీ పెస్కోవ్‌ వెల్లడించారు. అయితే, ఈ పర్యటనకు సంబంధించిన తేదీలు ఇంకా ఖరారు కాలేదని.. వీటిపై ఇరు దేశాల మధ్య సంప్రదింపులు జరుగుతున్నాయని తెలిపారు. కాగా, రష్యాలో ఇటీవల జరిగిన 16వ బ్రిక్స్‌ శిఖరాగ్ర సదస్సులో పాల్గొన్న మోదీ.. పుతిన్‌తో భేటీ అయ్యారు. ఆ సందర్భంలో పుతిన్‌ను భారత్‌కు ఆహ్వానించిన సంగతి తెలిసిందే.