కడ్తాల్: కస్తూరిబా పాఠశాల ఉపాధ్యాయుల నిరసన

తమ సమస్యలు పరిష్కరించాలని కోరుతూ గురువారం కడ్తాల్ కస్తూరిబా పాఠశాల ఉపాధ్యాయులు భోజన విరామ సమయంలో పాఠశాల ముందు నిరసన తెలిపారు. ఈ సందర్భంగా వారు మాట్లాడుతూ తమ ఉద్యోగాలు పర్మినెంట్ చేసి ఉద్యోగ భద్రత కల్పించాలని, కనీస బేసిక్ పే ఇవ్వాలని వారు కోరారు. అందరు ఉద్యోగుల లాగా సెలవులు ఇవ్వాలని డిమాండ్ చేశారు. ఈ కార్యక్రమంలో మండల యూటీఎఫ్ అధ్యక్షుడు జంగయ్య, నాయకులు కౌసల్య, తదితరులు పాల్గొన్నారు.