జహీరాబాద్: దిడిగి గ్రామ శివారులో కలుషిత వ్యర్ధాల పారబోత

జహీరాబాద్ మండలం దిడిగి గ్రామ శివారులోని అటవీ ప్రాంతంలో పరిశ్రమలకు చెందిన కలుషిత రసాయన జలాలను పారబోస్తున్నారని ఆదివారం గ్రామస్థులు తెలిపారు. దీంతో పచ్చని చెట్లు, పంట పొలాలు ఎండిపోతున్నాయని ఆవేదన వ్యక్తం చేస్తున్నారు. కలుషిత జలాలు బోరు బావుల్లో ఇంకి ప్రజలు రోగాల బారిన పడుతున్నారని అన్నారు. ఇకనైనా అధికారులు స్పందించి కలుషిత రసాయనాలు పారబోస్తున్న వారిపై కఠిన చర్యలు తీసుకోవాలని గ్రామస్థులు కోరుతున్నారు.