ఇంటి బయట ఆడుకుంటున్న ఐదేళ్ల బాలుడిపై దాడి చేసిన ఆరు వీధి కుక్కలు

ఓ ఇంటి బయట ఆడుకుంటున్న ఐదేళ్ల బాలుడిపై ఆరు వీధి కుక్కలు దాడి చేయడంతో తీవ్రంగా గాయపడ్డాడు. పూణేలో ఈ ఘటన జరిగింది. దీనికి సంబంధించిన వీడియో వైరల్ అవుతోంది. ఆ బాలుడు దారి వెంట వెళ్తుండగా ఓ కుక్క ఎదురవడంతో దానిని చేతులు ఆడిస్తూ బెదిరించడం వీడియోలో కనిపించింది. అయితే అకస్మాత్తుగా మరొ కుక్క వేగంగా వచ్చి అతనిపై దాడి చేసింది. వెంటనే మిగతా కుక్కలు పిల్లడిని చుట్టుముట్టి దాడి చేశాయి. గమనించిన స్థానికులు అక్కడికి చేరుకుని కుక్కలను తరిమివేశారు.