రేపటి నుంచి శ్రీవారి ఆలయంలో సుప్రభాత సేవ పునఃప్రారంభం

తిరుమల శ్రీవారి ఆలయంలో రేపటి నుంచి సుప్రభాత సేవ పునఃప్రారంభం కానున్నట్లు టీటీడీ తెలిపింది. మంగళవారంతో ధనుర్మాస ఉత్సవాలు ముగియడంతో బుధవారం నుంచి సుప్రభాత సేవతో శ్రీవారికి మేల్కొలుపు జరగనుంది. ఆలయంలో ప్రతిరోజూ జరిగే ఆర్జిత సేవల్లో ‘సుప్రభాతం’ ఒకటి. ఈ సేవతోనే పూజా కార్యక్రమాలు ప్రారంభం అవుతాయి. సేవలో భాగంగా శ్రీవారి బంగారు వాకిలి తలుపులు తెరుచుకోనున్నాయి. మార్గశిర మాసంలో మినహాయించి ప్రతిరోజూ ఈ సేవను టీటీడీ నిర్వహిస్తుంది.