గుండెపోటుతో ఏఎస్ఐ మృతి

సూర్యాపేట ఎస్పీ కార్యాలయంలో బాంబ్ డిస్పోసల్ ఏఎస్ఐ గా పనిచేస్తున్న వెంకటయ్య (53) గుండెపోటుతో శుక్రవారం నల్గొండలో మరణించారు. శుక్రవారం విధులు ముగించుకుని ఇంటికి చేరుకున్న వెంకటయ్య రాత్రి 11 గంటలకు ఛాతిలో నొప్పిగా ఉందని కుటుంబ సభ్యులకు తెలియజేశారు. నల్గొండలోని ఓ ప్రైవేట్ ఆస్పత్రికి తరలించగా అప్పటికే మృతి చెందినట్లు వైద్యులు తెలిపారు. విషయం తెలిసిన సహా ఉద్యోగులు, పోలీస్ సిబ్బంది సంతాపం తెలిపారు.