కేదార్‌నాథ్‌ యాత్రలో చిక్కుకున్న తెలుగు యాత్రికులు క్షేమం

కేదార్‌నాథ్‌ యాత్రలో చిక్కుకుపోయిన తెలుగు యాత్రికులు సురక్షితంగా ఉన్నారు. ఆపదలో ఉన్నామని, కిందకు చేరుకోలేకపోతున్నట్లు శుక్రవారం పలువురు యాత్రికులు విజయనగరం ఎంపీ కలిశెట్టి అప్పలనాయుడిని సంప్రదించారు. ఈ విషయాన్ని వెంటనే మంత్రి లోకేశ్‌, సీఎం కార్యాలయం దృష్టికి ఎంపీ తీసుకెళ్లారు. ఉత్తరాఖండ్, కేంద్ర ప్రభుత్వ అధికారులతో మంత్రి లోకేశ్‌, సీఎంఓ అధికారులు మాట్లాడారు. దీంతో శనివారం వారిని సురక్షిత ప్రాంతానికి చేర్చారు.