దేవాలయాలకు స్వయం ప్రతిపత్తిని కల్పిస్తూ ఉత్తర్వులు జారీ చేసిన ఏపీ ప్రభుత్వం

ఏపీ రాష్ట్ర ప్రభుత్వం కీలక నిర్ణయం తీసుకుంది. రాష్ట్రంలోని దేవాలయాలకు స్వయం ప్రతిపత్తి కల్పిస్తూ ఉత్తర్వులు జారీ చేసింది. దేవదాయశాఖ కమిషనర్ సహా ఆలయ వ్యవహారాల్లో ఏ అధికారి కూడా జోక్యం చేసుకోకూడదని ఆదేశించింది. ఆధ్యాత్మిక విధుల విషయంలో అర్చకులదే తుది నిర్ణయమని స్పష్టం చేసింది. అవసరమైతే ఈవోలు వైదిక కమిటీలు వేసుకోవచ్చని వెల్లడించింది. ఏదైనా ఆధ్యాత్మిక విషయాల్లో ఏకాభిప్రాయం కుదరకపోతే.. పీఠాధిపతుల సలహాలు తీసుకోవచ్చని తెలిపింది.