ఈ సిరీస్ మా అందరినీ నిరాశ పర్చింది: హర్బజన్

‘భారత్‌తో న్యూజిలాండ్ 3 మ్యాచ్‌ల టెస్ట్ సిరీస్‌ మా అందరినీ చాలా నిరాశపరిచింది’ అని మాజీ క్రికెటర్ హర్బజన్ అన్నారు. కివీస్ 3-0తో క్లీన్‌స్వీప్ చేయడంపై ట్విట్టర్‌లో ఆయన స్పందించారు. ‘ఈ సిరీస్‌లో భారత్ గెలుస్తుందని అనుకున్నాం. వారు మనల్ని అధిగమించారు. టీమిండియా మెరుగైన పిచ్‌లపై ఆడాలని చాలా ఏళ్ల నుంచి చెబుతున్నా. ఈ టర్నింగ్ పిచ్‌ ప్రతి బ్యాటర్‌ను చాలా సాధారణంగా కనిపించేలా చేస్తున్నాయి' అని అన్నారు.