రెండు బస్సులు ఢీ.. 15 మందికి తీవ్రగాయాలు (వీడియో)

జమ్మూకశ్మీర్‌లోని రియాసిలో బుధవారం రెండు బస్సులు ఢీకొన్న ప్రమాదంలో పలువురు యాత్రికులు తీవ్రంగా గాయపడ్డారు. బస్సు కత్రా నుంచి శివఖోరీకి వెళ్తుండగా ఈ ప్రమాదం చోటుచేసుకుంది. ప్రమాదం జరిగిన సమయంలో బస్సులో పిల్లలతో సహా 40 మంది ఉన్నారని ఓ ప్రయాణికుడు తెలిపాడు. వారిలో 15 నుంచి 20 మంది గాయపడ్డారని, మిగిలిన కొంతమందికి స్వల్ప గాయాలయ్యాయని చెప్పాడు. మరోవైపు, క్షతగాత్రులను ఆసుపత్రికి తరలించినట్లు డిప్యూటీ కమిషనర్ మహాజన్ తెలిపారు.